خاص (أيوب)

تلقى "أيوب" رسالة من بيروتي يقطن في منطقة قريطم، يشكو فيها من الحفر الموجودة في الشارع الذي يقطن فيه بسبب إصلاح قسطل مياه، من دون الوصول إلى نتيجة.

وفي ما يلي نص الرسالة: "واضح إنو الحفرة صارت مشروع سياحي، لأنو صارلها شهرين ونص وما حدا قرب عليها!

إجت البلدية، حفرت الطريق، صلّحت القسطل الصحي، وقالوا: "بعد أسبوع منرجع منزفّت". هيدا الأسبوع طلع شهرين ونص، والطريق بعدها محفورة، والناس والسيارات عم تدفع الثمن كل يوم.

إذا تزفيت حفرة وحدة بدو شهرين ونص وما خلص، شو ضلّ من الوعود حتى يصدقها المواطن؟

عن جد، هيدا اسمو إهمال واستخفاف بالناس، ومشهد ما بيمثل أي بلدية بتحترم حالها وأهل منطقتها.

يا ريت بدل الوعود، نشوف زفت على الأرض. لأنو الحفرة شبعت انتظار… والناس كمان."